Miðnæturhlaup Suzuki 2022

Miðnæturhlaupið hefur farið fram í Laugardalnum dagana í kringum Jónsmessu og Sumarsólstöður síðan 1993.

Frá 2003 hefur Miðnæturhlaupið verið í umsjón Íþróttabandalags Reykjavíkur (ÍBR) sem eru samtök íþróttafélaganna í Reykjavík. Á vegum Íþróttabandalags Reykjavíkur eru árlega haldnir fimm stórir íþróttaviðburðir sem auk Miðnæturhlaups Suzuki eru Laugavegur Ultra Marathon, Reykjavíkurmaraþon Íslandsbanka, Reykjavik International Games og Norðurljósahlaup Orkusölunnar. Um 150 sjálfboðaliðar úr íþróttahreyfingunni koma að framkvæmd Miðnæturhlaups Suzuki, flestir þeirra úr íþróttafélögunum í Reykjavík.