- Reykjavík
Hamingjuhlaup Samtakanna 78 og Kristals
Hefur þig alltaf dreymt um að hlaupa í gegnum confetti? Svitna með glimmer í andlitinu? Að heyra hvað þú sért fabjúlös í hlaupagallanum?
Samtökin '78 halda í annað sinn Hamingjuhlaupið sem fer fram þann 16. maí 2026, á alþjóðlegum degi gegn hinseginfordómum. Hamingjuhlaupið er 7,8 km götuhlaup um Elliðaárdalinn, stútfullt af skemmtilegum uppákomum á leiðinni.
Hlaupaleiðin
Skráning
Í Hamingjuhlaupinu er hægt að skrá sig í 7,8 km vegalengd eða 3 km gleðiskokk. Verðlaun verða veitt fyrir fyrstu þrjú sæti í 7,8 km hlaupi í kvennaflokki, karlaflokki, kváraflokki og krakkaflokki. Jafnframt verður keppt í 50m hlaupi á hælaskóm, þar sem veitt verða verðlaun bæði fyrir besta tímann og fyrir tígulegustu tæknina.
Skráning er 5.000 kr. en börn 12 ára og yngri greiða aðeins 1.500 kr. Innifalið í skráningu er miði í hlaupið, regnbogaglaðningur, hlaupanúmer með tímaflögu, skemmtun í upphitun og einstök upplifun á brautinni.
Afhending gagna
Hægt er að sækja gögn á fimmtudag og föstudag fyrir hlaup á skrifstofu Samtakanna '78, Suðurgötu 3, 101 Reykjavík.
Fimmtudagur - 14. maí (Uppstigningardagur)
Opið er frá 13:00-16:00
Föstudagur - 15. maí
Opið er frá 10:00-18:00
Dagskrá
Laugardagur - 16. maí
10:00 - Svæði við Elliðaárstöð opnar - Hægt er að sækja hlaupagögn.
10:30 - Upphitun og skemmtun - Keppt í 50m hlaupi á hælum - Skemmtun og upphitun fyrir hlaupið - Glimmerstöð fyrir þau sem vilja skína á brautinni.
Kynnir er Bjarni Snæbjörnsson sem heldur uppi stuðinu ásamt góðum gestum. Álfgrímur mætir á svæðið og tekur nokkur lög til að koma okkur í gírinn, dragdrottningin Gógó Starr verður með atriði fyrir alla fjölskylduna og Una Torfa keyrir upp orkuna fyrir hlaupið!
11:00 - Ræst er í hlaupið
12:30 - Tímatöku og dagskrá lýkur
* Birt með fyrirvara um breytingar
